انا اهنيك من قلبي قدرت انك تبكيني ...

أنا أهنيك من قلبي قدرت إنك تبكيني..
و حق الله يالغالي أنا من القلب هنيتك..
كذا روحي تعللها ولا لي من يواسيني ؟؟
و أنا اللي بكل معنى الحب و الإحساس حبيتك !!
أهون عليك و حياتك كذا وحدي تخليني ؟؟
تنسى عشرتي و تروح و عمري بلحظه ما نسيتك..
حبيبي قول ما بقلبك إذا زعلان ~ صافيني..
تدري كم أنا أحبك و تدري كم صافـيتك..
أنا مقدر على زعلك ولا إنك تجافيني..
عساني ما تهنى لو أنا في يوم جافيتك..
أريدك ما تصدقهم كل اللي حكوا فيني..
عذول و فيهم الغيره عشان بعمري أنا فديتك..
حبك ساكن بقلبي و يجري في شراييني..
عشقتك يوم ما شفتك و خليل الروح [ سميتك ]..
تدلل بس على روحي ولو تطلب نظر عيني..
و حق الواحد المعبود معاه القلب أنا عطيتك..
و لك عهد الوفاء مني أقضي عندك سنيني..
مطيع بكل ما تآمر ولو حارس على بيتك..
منى نفسي أنا شوفك ولو خـلسه بيكفيني..
ملكت الكون ساعتها و تاج الراس خليتك..
حبيبي لا تعذبني تراه البعد يظنيني..
رجيتك لا تحسسني أنا غلطان أغليتك..
نار العشق يا عمري ترى بالله تكويني..
تشعل في وسط صدري بأول يوم أنا جيتك..
حبيبي عود لي رجواك قبل موتي يوافيني..
قبل لا تنطفي شمعه زمان كانت مضويتك..

تقبلوو مروري

الله يعطيك الف الف الف عافيه كلمات في
قمة الروعه والابداع بنتظار جديدك بكل شووووق

الله ينطيك العافيه..............كلمات في قمت الابداع....طبعآ من اجمل الاشياء اللي قد قريتها في المتدى حاليا اتمنى المزيد منك للافضل...........وشكرآآآآ