مشي الحمامه

موضوع: مشي الحمامه الإثنين فبراير 21, 2011 3:04 am

تمشي مثل مشي الحمامه هوينا
الردف ثقّل سيرها في حموله
خلف العباية يوم تمشي يبينا
يقول للي شاهده من يطوله
يقول كلاً لا نظرنا يبينا
كن التحدي في مسيره يقوله
يرقص يمين بحين ويسار حينا
جمهور نادي منتشي في بطوله
وخصراً اذا سارت شويه يلينا
خطواتها تحسب ولا هي عجوله
مرت وانا واقف عليّه يمينا
ثم قلت فالردفين وش ذا المهوله
ودعيت للساقين ربي يعينا
ثم طالعت فيني بعيناً خجوله
قالت لي اذكر ربنا لا تعينا
وهللت بالذكرى وذكرى رسوله
ثم قلت من سحر الجمال ارحمينا
قالت وش اللي في مرادك تنوله
قلت البلا مدري وش اللي بغينا
نفسي من الفتنه امامي ذهوله
اقفّت وهي تضحك بقلب فطينا
لا قربت مني ولا هي جفوله
قلت انتظركي بالمساء ترجعينا
وتلعثمت بين اعتذار وقبوله
قالت انا كالطيف ومسافرينا
جينا لحاجه وانتهت في سهوله
بعد انقضت حاجاتنا راحلينا
والا ترا مالي بنجدك حموله
قلت ابشري بالخير لا تزعلينا
نفسي على فعل الجمايل كفوله
ردت وهي تضحك بصوتٍ حسينا
اكيد ما تبغى وراها عموله
سارت بعد تأشيرها باليدينا
اشارةٍ فيها الوداع وميوله

Shocked

لبـــ،ـــى قلبـــ،ـــك يا اخـــ،ـــوي على هذه الهمسات

واكيد البنات بيغارووووون ,,, Very Happy

اعجبت بهذه الكلمات مع اني لا اظهر مابداخلي من اعجاب مهما كان الشخض الذي امامي

تقبل مروري يالغالي ,,,[b]

سلمت اناملك اخي النون
كلمات ولا اروع
اعجبتني كلماتها لا يسعني الا ان اقول انني انتضر جديدك
تقبل مروري اخوك
أميــــــــــــــــــــــر