المقادير والطريقه ,,
اول شي جهزي الباشميل
وطريقتي في الباشميل شوي مختلفه عن الطريقه العاديه
احط حليب كامل الدسم في قدر مع 3ملاعق زبد ومكعب ماجي
وفلفل اسود و4ملاعق نشا للتر الحليب خلطي المكونات لين تغلظ معاك
ماعجبتك طريقتي سوي باشميلك اللي تحبينه
اسلقي اللازنيا نص سلق واحينا مافي داعي للسلق
بس انا كنت مستعجله
ملاحظه لما تسلقي اللازنيا ضيفي زيت للماء
جهزي حمسة لحم مفروم
في بايركس الفرن حطي باشميل في القاع
طبقه لازنيا
حطي صوص بيتزا مثل اللي تحطيه في البتزا انا استخدم ماركة امريكانا
واللحم والجبن المبشور
طبقه من اللازنيا وعليها باشميل وعقب زيتون مع فطر وجبن
وفلفل رومي
حطي اي مكونات تحبينها
طبقه اخرى لازنيا وعليها باشميل
رشي على الوجه جبن مبشور
غطي البايركس بقصدير ودخليها فرن حار مسخن مدة
40دقيقه عقب شيلي القصدير وحمري الوجه
والف عافيه
تقبلوا تحياتي أختكم 
Ĥảṁṩ ĂŁ5ạḟǾ8
موضوع: لزانيا البيتزا... 
الجمعة مارس 25, 2011 2:54 pm
