ماني بحاجة قلب ماحس فيني..

آخر كلامك قلت لي منت مجبور..
وش رجعك بالله بعدك تبيني ؟!

وصلتها لفراق ومنت معذور..
أبيع بايع واشتري مشتريني..

ومادام قلبك خالي احساس وشعور..
ماني بحاجة قلب ماحس فيني..

ماني على خبرك تمثل لي الدور..
ولاني على كيفك تروح وتجيني..

واذا الزمن له جور والحب له جور..
جورك على جور الزمن مبتليني..

ضايقتني حتى وأنا دمي يفور ..
وكذبت في شي حصل شوف عيني..

كاذب,, أناني,, ميت احساس,, مغرور..
قاسي,, عنيد,, وياخسارة حنيني..

وشلون أمد الكف والكف مبتور ؟!
من قلبك اللي مايقدر يميني..

وقتن مضالك مالفى مني قصور..
ماباقي الا أشيلك براحتيني..

وكتبت فيك حروف وأبيات وسطور..
ليتك تحس وليت قلبك يبيني..

زرعت فيك الكبر وأصبحت محقور..
وأعميت عيني من رفالة يديني..

رفعت من قدرك وواجهت بغرور..
وأول وفاك تروح ماتحتريني..

واليوم ترجع لي عقب غيبة شهور..
ودك تعيد الحب؟! لا ياضنيني

ماعاد باقي غير أوادعك مجبور..
راحت عليك وياخسارة سنيني..

العام قلبي يوم ألاقيك مسرور
واليوم عقب الود لاترتجيني..

واذا ذكرت العشره بقلب مقهور..
تذكر اللي صار بينك وبيني..

وابعد بعيد وعن فعايلك مشكور..
الربح نفسي والخساره لعيني..

آخر كلامك قلت لي منت مجبور..
والحين أظنك منت مجبور فيني

] م / ن[

موضوع: تقبلي مروري السبت فبراير 19, 2011 12:45 pm

سلمت الانامل
كلام ولا احلا
تقبلي مروري
اخوك

أميــــــــــــــــــــــر
Very Happy

صح لسانك ولسانه
ياليت يااختي تزودينا بإسم الشاعر

مع اني مااحبـــ النوع هذا من الشــــعر
لان طبعي بالحيــــاة افارقـــ بصمت ,, لكي يذكرني الجميــــع بالخير

تقبلي مروري ....

شعر رائع وفيه نوع من الكبرياء والكرامه

وأفضل بيتين لفتت إنتباهي هي..
وصلتها لفراق ومنت معذور..
أبيع بايع واشتري مشتريني..

مشكوره أختى على همساتك الراقية

أمــيــر ..
ويلاهـ العسيري ..
همس الخفوق ..

أسعدني مروركم العطر في متصفحي ..

لاعدمت حضوركم الدائم ..

ومادام قلبك خالي احساس وشعور..
ماني بحاجة قلب ماحس فيني

ابيات رائعه واختيار اروع
ماني بحاجة قلب ماحس فيني.. 997218